ຄວາມສ່ຽງຂອງແມ່ຍິງຖືພາ ແລະ ຄວາມຮ້າຍແຮງຂອງ HIV.

ແມ່ຍິງຖືພາຄວນໄດ້ຮັບການຝາກທ້ອງໃຫ້ໄວທີ່ສຸດເພື່ອປ້ອງກັນຄວາມສ່ຽງທີ່ຈະມີອາການສົນໃດໜຶ່ງ, ລວມໄປເຖິງການກວດຫາ HIV ທີ່ເປັນເຊື້ອຮ້າຍແຮງທີ່ສາມາດສົ່ງຕໍ່ຈາກແມ່ສູ່ລູກໄດ້ຫາກວ່າກວດພົບເຫັນແຕ່ຫົວທີ ຈະສາມາດປິ່ນປົວ ແລະ ຄວບຄຸມໄດ້, ເພື່ອຫຼຸດຜ່ອນອັດຕາການສົ່ງເຊື້ອຈາກແມ່ສູ່ລູກ, ຮັບປະກັນວ່າ ເດັກໃນທ້ອງມີການຈະເລີນເຕີບໂຕດີ. ເຖິງວ່າການຖືພາຈະປົກກະຕິກໍ່ຕາມ ແຕ່ອາການສົນ ແລະ ພະຍາດຕ່າງໆທີ່ມາກັບແມ່ກໍສາມາດເກີດຂຶ້ນໄດ້ລະຫວ່າງການຖືພາ ເຊິ່ງອາດຈະເປັນອາການທີ່ຮຸນແຮງ ຫຼື ເຮັດໃຫ້ເສຍຊີວິດໄດ້. ດັ່ງນັ້ນ ແມ່ຍິງຖືພາທຸກຄົນ ຄວນຈະໄດ້ຮັບການຝາກທ້ອງກວດຫາພະຍາດຕ່າງໆ ໂດຍສະເພາະແມ່ນ HIV, ຕັບອັກເສບບີ ແລະ ຊີຟິລິດ ໂດຍແພດທີ່ມີປະສົບການ ແລະ ໄດ້ຮັບການດູແລ, ປ້ອງກັນບັນຫາທີ່ອາດຈະເກີດຂຶ້ນໃນລະຫວ່າງການຖືພາ, ຊ່ວຍໃຫ້ແມ່ ແລະ ລູກໃນທ້ອງມີສຸຂະພາບແຂງແຮງ, ແມ່ຍິງຖືພາຄວນຈະໄປຝາກທ້ອງ ເຖິງວ່າຈະເຄີຍເກີດລູກມາແລ້ວຫຼາຍຄັ້ງກໍຕາມ.