ກິດຈະກໍາຝຶກອົບຮົມເຄື່ອງມືເກັບກໍາຂໍ້ມູນແມ່ຍິງຖືພາ ແລະ ເດັກເກີດໃໝ່ໃຫ້ແກ່ ອສບ ໃນບັນດາບ້ານເປົ້າໝາຍຂອງໂຄງການທັງ 3 ເມືອງ: ເມືອງວຽງຄໍາ, ເມືອງໂພນໂຮງ ແລະ ເມືອງວັງວຽງ”
ໃນຂະນະນີ້ ທາງທີມງານໂຄງການເທື່ອລະກ້າວສົມທົບກັບຂະແໜງສາທາເມືອງວຽງຄໍາ, ເມືອງໂພນໂຮງ ແລະ ເມືອງວັງວຽງ ກໍລັງຂຸ້ນຂ້ຽວຝຶກອົບຮົມການນໍາໃຊ້ເຄື່ອງມືການເກັບກໍາຂໍ້ມູນແມ່ຍິງຖືພາ ແລະ ເດັກເກີດໃໝ່ໃຫ້ແກ່ ອາສາສະໝັກສາທາລະນະສຸກຂັ້ນບ້ານ (ອສບ), ເພື່ອກຽມຄວາມພ້ອມໃນການບໍລິການ ແລະ ປຸກລະດົມໃຫ້ແມ່ຍິງຖືພາພາຍໃນພື້ນທີ່ເປົ້າໝາຍໃຫ້ໄດ້ຮັບການຝາກທ້ອງພ້ອມທັງກວດຫາ 3 ພະຍາດໂດຍສະເພາະແມ່ນ: ພະຍາດ HIV, ຕັບອັກເສບບີ ແລະ ຊິຟີລິດ. ເຊິ່ງເປັນພະຍາດທີ່ຮ້າຍແຮງສາມາດສົ່ງຕໍ່ໃຫ້ລູກໃນທ້ອງໄດ້. ສະນັ້ນ, ແມ່ຍິງຖືພາຕ້ອງໄດ້ຮັບການກວດ ແລະ ປິ່ນປົວເພື່ອປ້ອງກັນບໍໃຫ້ສົ່ງຕໍ່ຈາກແມ່ສູ່ລູກ.
ພະແນກສາທາລະນະສຸກ ແຂວງວຽງຈັນ ອອນລາຍ
