ເຄີຍສົງໄສບໍວ່າ ເວລາໄປຝາກທ້ອງເຮົາຈະໄດ້ຮັບບໍລິການຫຍັງແດ່?
ມື້ນີ້ແອດຈະມາຕອບໃຫ້
ການບໍລິການທີ່ຈະໄດ້ຮັບໃນເວລາແມ່ຍິງຖືພາໄປຝາກທ້ອງມີຫຍັງແດ່?
ເວລາໄປຝາກທ້ອງແພດຈະ ກວດແມ່ ແລະ ລູກວ່າມີອາການເຈັບປ່ວຍຫຍັງບໍ່ ແລ້ວປິ່ນປົວຕາມຄວາມເໝາະສົມ
ກວດຄວາມດັນເລືອດເພື່ອເບິ່ງວ່າມີອາການຊັກກະຕຸກ ຫຼື ບໍ່ ແລະ ໃຫ້ການປິ່ນປົວຕາມຄວາມເໝາະສົມ
ກວດທ້ອງແມ່ຍິງຖືພາເພື່ອເບິ່ງຕຳແໜ່ງຂອງລູກໃນທ້ອງ
ກວດນ້ຳຍ່ຽວເພື່ອຄົ້ນຫາສະພາບທີ່ຮ້າຍແຮງເຊັ່ນ: ພະຍາດເບົາຫວານ ແລະ ພະຍາດໄຂ່ຫຼັງ
ກວດເລືອດເພື່ອຄົ້ນຫາ ແລະ ປິ່ນປົວອາການເລືອດຈາງຕັ້ງແຕ່ຫົວທີ
ຊັ່ງນ້ຳໜັກ ແລະ ແທກລວງສູງ (ເພື່ອຕິດຕາມການເພີ່ມຂື້ນຂອງນ້ຳໜັກແມ່ຍິງຖືພາ (ນ້ຳໜັກເວລາຖືພາຄວນເພີ່ມຂື້ນ 9-11 ກິໂລກຼາມ)
ການກວດທ້ອງໃນເວລາໄປຝາກທ້ອງຈະຊ່ວຍປະເມີນການຈະເລີນເຕີບໂຕ ຂອງເດັກໃນທ້ອງໄດ້
ພິເສດ
ຖ້າຫາກວ່າໄປຝາກທ້ອງພາຍໃນພື້ນທີ່ເປົ້າໝາຍຂອງໂຄງການເທື່ອລະກ້າວໃນທຸກໂຮງໝໍນ້ອຍ, ໂຮງໝໍເມືອງທີ່ຢູ່ໃນ
ເມືອງວຽງຄໍາ
ເມືອງໂພນໂຮງ
ເມືອງວັງວຽງ
ແມ່ນຈະໄດ້ຮັບການກວດຫາ 3 ເຊື້ອພະຍາດຟຣີ ເຊິ່ງປະກອບມີ
– ການກວດ HIV
– ຊີຟິລິດ
– ຕັບອັກເສບ ບີ
ກວດຟຣີ, ປິ່ນປົວຟຣີ ສະເພາະແມ່ຍິງຖືພາ ແລະ ຄູ່ຂອງເຂົາເຈົ້າ ສະເພາະໃນພື້ນທີ່ໂຄງການ
